Multimedia ressamı, mimar, aktsionist sanatçı, lektor ve reber. 1988 senesi Ukrainanıñ Qırım Muhtar Cumhuriyetinde Keriç şeerinde dünyağa keldi. Şimdi sürgünde olıp Kıyiv ve Stokgolm şeerlerinde yaşay ve çalışa (2014 senesi baarde Qırım yarımadasınıñ Rusiye tarafından işğal etilmesinden soñ ressam tuvğan şeerine bir daa qaytmadı). 

Mariya bina ve inşaat mimarcılığı saasında magistr derecesini Kıyivdeki (Ukraina) Tasviriy Sanat ve Mimarcılıq Milliy Akademiyasında aldı (2007-2013), tasviriy sanattan ekinci magistr programmasını ise Avropanıñ eñ meşur sanat universitetlerinden birisi olğan Stokgolmdeki (İsveçiya) Konsfack Universitetinde (2018-2020) bitirdi. Çin ve İsviçrede mimar olıp çalıştı, ondan soñ başta eykel, soñra ise performans sanatlarında çalışmalarına qayttı, halqara seviyede mukâfatlandırıldı. 2010 ve 2012 seneleri ardı-sıra ressam eñ müim ve eñ tesirli eserlerini - “Klonlar Ordusı” ve “Homo Bulla - sabunlı fısqa kibi insan” adlı sanat leyhalarını yarattı. Amma 2014 senesi öz özüni ilân etken işğalci “DNR” küçleri Donetskteki “İzolâtsiya” sanat merkezinde sergilengen bu eykel leyhalarını yoq etti, Mariyanı ise onıñ cınıssız sanatı, eş cınıslığı ve siyasiy narazılıqları, performansları, eykelleri sebebinden “degenerativ sanatçı” dep ilân ettiler. 

Ukrainanıñ siyasiy kerçekleri Kulikovskanı Avropada birdemlik qıdıruv yoluna çıqardı, anda sanatçı  (“Ruta-Ruta” Ukraina-İsveçiya sanat deñişüvi sayesinde) İsveç-Suriyeli ressam Jaklin Şabonen tanıştı ve daa soñra qadın bedeniniñ serbestligi, seçim, eşcınıslıq ve beden, sıñırlar, ükümet institutları ve cemiyet mevzusını aktualleştirme maqsadınen, Şabonen “Beden ve Sıñırlar” adlı performans çerçivesinde eşcınıslı evlenme kerçekleştirdi. 2014-2021 seneleri arasında Mariya Kulikovska ondan ziyade içtimaiy-siyasiy performans ve aktsiya keçirdi, dünyanıñ çeşit memleketlerinde pek çoq sergi ve nufuzlı medeniy merasimlerde iştirak etti, bir sıra mükâfatqa, para mükâfatına ve sanat programmalarına namzet kösterildi ve lâyıq oldı. 2015 senesi o, halqara sanat taqımını ve “Demokratiya çiçekleri” adlı açıq feminist platformasını qurdı, 2017 senesi ise Siyasiy Performans Mektebi - serbest sanat areketini yarattı.

2016 senesiniñ soñundan başlap (MKUV Studio qurulmasınıñ resmiy tarihi - 8 mart 2017) ressamnıñ bütün performans-eykelcilik işlerinde onen beraber onıñ ömür arqadaşı - mimar, müendis, innovatsion materiallar ve yapılışlar istisalcısı, ekoaktivist, prodüsser-teşebbüsçi Oleg Vinniçenko (1978 senesi Poltava vilâyetiniñ Çervonozavodske şeerinde doğdı. Al-azırda Kıyiv ve Stokgolmde yaşay ve çalışa) çalışmaqta, oña işbirlik ve eşlik yapmaqta.  Mariya Kulikovskanen işbirlik yapmadan evel Oleg Vinniçenkonıñ “Osnova” adlı eksperimental mimarcılıq studiyası eñ yañı innovatsion beton ve başqa qurucılıq malzemelerinen küçük mimariy yapılarnıñ istisalcısı olaraq büyük inşaat şirketlerinen işbirlik yaptı.  Kıyivdeki “Magdeburg Uquqı Merdivenleri”niñ yañıdan quruvı ve işke kirsetilüvi üstünde Oleg çalıştı. Olegniñ studiyası halqara “Otis” şirketinen işbirlik etti, lift ve yük sistemaları içün innovatsion müendislik bünyeleri ve malzemelerni işlep çıqardı. Oleg Vinniçenko şeerlerniñ halqqa açıq yerleri içün suv toplama sistemalarınıñ işlep çıqarılmasını ve işke kirsetilmesini inkişaf ettirmege başladı, şimdi onıñ keşifleri Ukraina ve halqara şirketler tarafından şeer proyektlerinde de faal sürette qullanıla. Bundan ğayrı, studiya şahsiy evler içün inşaat ve donatma proyektlerini ömürge keçirdi. 

2019 senesi dekabrniñ soñunda Mariya Kulikovska ve Oleg Vinniçenko zemaneviy sanat ve “ziddiyetten?” kelgen ressamlar içün “GARAJZZ.Galereya-Sığınaq” adlı cınıssız halqara sanat meydanını yaratıp, onıñ başına keçtiler. Olarnıñ ekisi de galereyanıñ mimarcılığını yaptı. Sanat merkeziniñ yaratıcı müdirligi ve reberligini Mariya Kulikovska yapmaqta, Oleg Vinniçenko ise merkezniñ baş müdiri ve prodüsseri vazifelerini becermekte.

İçtimaiy eykel "Qırım salı" - Mariya Kulikovskayanıñ 2016 senesi avgust ayında başlağan ve bugünge qadar devam etken uzun müddetli leyhasıdır. Onıñ çerçivesinde aman-aman bir doza performans, bir qaç şahsiy sergi ve lektsiya-performans keçirildi.

Kiyevde avgustnıñ 16-ndan 19-na qadar lüks restoranlar ve yatlar arasında vaqtınca köçip kelgenlerniñ migratsion parlamenti "Qırım salı" neon levhasınen qurtaruv levhası peyda oldı. 2014 senesi martnıñ 18-nde "keriçli" statusını alğan ukrain ressamı Mariya Kulikovska -  tamırları qırımlı edi. Sanatçınıñ ayatı diger insanlarnıñ merhametine bağlı edi, ve bu, Mariya evsiz qalğan insanlarnıñ zayıflığını qayd etmek ve cemiyetni olarğa acımağa çağırmaq içün yapılğan hususiy bir areket edi. "Qırım salı" körüşüv yeri olğan haritada canlı bir noqta edi.

Bundan soñ, Mariya bu leyhanı başqa devletlerge, tışarıda devam ettirip, daa sekiz numayış yaptı.